Энергетика министрлігі 2015 жылдың мамырында Мәжіліске «Жасыл экономика туралы» заңды енгізеді
«Өткен жылдың мамыр айында Мемлекет басшысының бұйрығымен ҚР «жасыл» экономикаға өту тұжырымдамасы қабылданды. Үкіметтің қаулысымен оны жүзеге асырудың шаралар жоспары қабылданды. Үкімет «Жасыл экономика туралы» заң дайындауда. Ол тұжырымдамада қабылданған «жасыл» индикаторларды ескере отырып қолданыстағы кодекстер мен заңдарға өзгерістер енгізеді. Нақтырақ айтар болсақ, заң жобасының тұжырымдамасы бөлімдерінің бірі «Энергетикалық тиімділік, энергия үнемдеу, жасыл энергетиканы дамыту» деп аталады. Осы заң аясында қазіргі таңда әлсіз немесе жұмыс істемей тұрған заң нормаларын түзете аламыз», - дейді Соспанова.
Оның айтуынша, заң жобасы 2015 жылға дейін дайындалып, сол жылдың мамыр айында Мәжіліске енгізілмек.
«Қазақстанда парниктік газ қалдықтарына сауда квотасы жүйесі енгізіліп, квотаны сатып алу мен сату бойынша алғашқы келіссөздер жүргізілді. Бұл елде экологияны жаңғырту жұмыстарының бар екенін көрсетеді және осынау жаңалықты пайдалана отырып ескі құрылғыларды жаңартуға да мүмкіндік тумақ. Осылайша өндірісті барынша үнемді етіп, жұмысты коммерциялық тұрғыда пайдасын арттыруға да жол ашылмақ», - дейді департамент директоры.
Камила Амирова
