Қазақстанның энергия теңгеріміндегі ЖЭК-тің үлесі 2024 жылға қарай 5%- ға жетеді - Өскенбаев

 «Бүгінгі таңда Қазақстанда жаңартылған энергия көздерін іздестіру маңызды мәселеге айналуда. Алайда Қазақстанның энергобалансындағы жаңартылған энергия көздерінің  үлесі 1%-ға жетер жетпес.  Осы ретте ұлттық баңдарламаларға сай Қазақстанның энергобалансындағы ЖЭК-тің үлесін  2024 жылға қарай 5%-ға жеткізу көзделуде»,- деді Қ.Өскенбаев.

Сонымен қатар вице-министр атап өткендей, ағымдағы жылдың мамыр айында Үкімет жаңартылған энергия көздері шығаратын энергияға  бекітілген электр энергия тирифінің көлемін белгіледі.  «Ол 15 жылға есептелген және жыл сайын инфляция деңгейіне байланыстын теңестірілетін болады. Бекітілген тарифке сәйкес Үкімет жаңартылан энергия көздерінің өндіретін энергиясын дәстүрлі энергия көздерімен салыстырғанда 2-3 есе қымбат бағамен сатып алады, ол кәсіпкерлерге оның өнімдеріне деген сұранысты кепілдендіреді»,- деді ол.

Бұдан басқа, Үкімет өз үйшаруашылығында жаңартылған энергия көздерін пайдаланғысы келетін қазақстандықтарға оны тартуға кететін шығынның 50% субсидиялайтын болады. «Бүгінде жасыл құрылысқа қажетті дәрежеде көңіл бөлген жөн. Ол экономикалық тиімділікті арттырып қана қоймай, ұлттық технология және құрылыс нарығының дамуына серпін береді және ұлттың денсаулығына оң әсер етеді», - деп мәлімдеді вице-министр.

Айта кетерлік жайт, «Қазақстан-2050» стратегиясы мен өзге де бағдарламалық құжаттарда 2025  жылға қарай баламалы және жаңартылған энергия көздерінің үлесін 50%-ға жеткізу міндеті тұр. Сонымен қатар, ЖІӨ энергия сыйымдылығын 2008 жылмен салыстырғанда  2015 жылға дейін 10%-ға, 2020 жылға дейін 25%-ға дейін төмендету көзделген.

Камила Амирова