Қазақстан армиясында жауынгерлік даярлықтың «модульдік» жүйесі енгізілуде (Фото)

4 Желтоқсан, 2014 10:03

«Шығыс» өңірлік қолбасшылығы құрамалары мен бөлімдерінің басшылық құрамымен өткізіліп жатқан оқу-әдістемелік жиын барысында ағымдағы оқу жылындағы әскерлер қызметінің қорытындысы шығарылуда, деп хабарлады Қорғаныс министрлігі.

«Кәсіпқой маман – армия негізі» деген оқу жылының ұраны әскерлер жедел және жауынгерлік даярлығының басым бағыттарын айқындап берді», - деп «Шығыс» өңірлік қолбасшылығы әскерлерінің қолбасшысы Мұрат Бектанов атап өтті.

«2014 жылдың басынан бері 10810 және 28738 әскери бөлімдері жауынгерлік даярлықтың жаңа «модульдік» бағдарламасы бойынша шұғылданып келе жатқанын хабарлаған қолбасшы оның үйлестіру сапасын арттыруға мүмкіндік туғызғанын, тактикалық, арнайы даярлыққа, атыс даярлығына, жауынгерлік машиналарды жүргізуге көп көңіл бөлінетінін атап өтті.

Бұл ретте әрбір әскери қызметшінің өз міндетін білуі маңызды, бөлімшелердің қолбасшылығы жеке даярлықпен айналыспайды, дайын әскери қызметшіні қабылдайды. Қорытынды оқу-әдістемелік жиынға қатысушылар әскери тәртіп пен құқық тәртібі жай-күйінің жақсарғанына, сондай-ақ қамтамасыз етуші инфрақұрылымның нығайып келе жатқанына, әскери қызметшілердің тұрмыс-тіршілігіне тиісті жағдайдың жасалғанына тоқталды.

Ағымдағы оқу жылының нәтижесі бойынша «Шығыс» өңірлік қолбасшылығының үздік әскери бөлімдері мен әскери-медициналық мекемелері аталды.