Б.Сағынтаев пен И.Шувалов АӨК, энергетика және көлік саласындағы ынтымақтастықты талқылады

Үкіметаралық комиссияны қазақстандық тараптан Премьер-Министрдің бірінші орынбасары Бақытжан Сағынтаев. ресейлік тарапты РФ Үкіметі төрағасы орынбасарының бірінші орынбасары Игорь Шувалов басқарды.

Жиын барысында екіжақты ынтымақтастық мәселелері, оның ішінде жанармай энергетикалық кешені, өндірістік сала, атом энергетикасы, көлік және ауыл шаруашылығы, халықтың көші-қоны сынды салалар талқыланды.

Сондай-ақ, комиссия Қазақстанның ДСҰ-ға қосылуы келіссөздер үдерісі кезінде еуразиялық интеграция мәселесін де талқылады.

Тараптар ЕАЭО аясындағы серіктестіктің өзара тиімді әлеуетін талқылады.

Кездесу қорытындысы бойынша Қазақстан мен Ресей арасындағы ынтымақтастық үкіметаралық комиссиясының 17-ші отырысының хаттамасына қол қойылды.