ҮИИД МБ бірінші бесжылдығы аясында 20 шақты жеңіл өнеркәсіп өндірісі ашылды

«Жалпы, саланың дамуы үдемелі индустриялды-инновациялық даму мемлекеттік бағдарламасы, 2010-2014 жылдарға арналған жеңіл өнеркәсіпті дамытудың салалық бағдарламасы мен Индустрияландыру картасы инвестициялық жобасының ашылуымен жүзеге асырылды. 2010-2014 жылдары 19 жаңа өндіріс ашылса, 2010-2013 жылдары ҮИИД МБ аясында 2,5 мың жаңа жұмыс орны ашылды», - дейді А.Ержанов.

Сонымен қатар, оның айтуынша, 2010-2013 жылдар аралығында Индустрияландыру картасы аясында өндірілген өнім көлемі 315 млн теңгеден 2512,7 млн теңгеге дейін артып, 2014 жылдың бірінші жарты жылдығында 3,5 млрд теңгеге жетті.

А.Ержановтың пікірінше, Индустрияландыру картасы жобалары арқылы Қазақстанда бұрын өндірілмеген өнім түрлері игерілді. «Атап айтар болсақ, олар – синтетикалық кілемдер мен кілем бұйымдары, құрылыс қолғаптары өндірісі мен тоқыма құрылғылары», - дейді.

«Жыл сайын 100 мың тоннадан астам мақта талшықтары өндіріледі. Одан шамамен 90 мың тонна мақта бұйымдарын өндіруге мүмкіндік бар. Қазіргі таңда аталмыш өнім өндірісі 5 мың тоннаға жеткен. Дегенмен жоспарлы жобалық қуаттылық көлемі 30 мың тонна шамасында», - дейді.

Индира Қауметова