Қазақстанда 2014 жылдың 10 айының қорытындысы бойынша жеңіл өнеркәсіп өндірісінің көлемі 53 млрд құрады

3 Желтоқсан, 2014 17:33

Ағымдағы жылдың он айының қорытындысы бойынша қолданыстағы бағалар бойынша жеңіл өнеркәсіп өнімдерінің өндіріс көлемі 52,9 млрд астам құраған, деп мәлім етті ҚР ДИМ индустриалды даму және өнеркәсіптік қауіпсіздік комитетінің төрағасы Аманияз Ержанов «Нұр Отан» партиясы фракциясының жанындағы өңірлік саясат және мәслихаттармен жұмыс Кеңесінің «Қазақстан Республикасындағы жеңіл өнеркәсіптің дамуы туралы» тақырыбындағы отырыста.

Ағымдағы жылдың он айының қорытындысы бойынша қолданыстағы бағалар бойынша жеңіл өнеркәсіп өндірісінің көлемі 52,9 млрд теңгені құраған, соның ішінде тоқыма бұйымдарының өндірісі - 22,4 млрд теңге, былғары және соған жататын өнімдер өндірісі - 3,9 млрд теңге», - деп мәлімдеді А. Ержанов.

Сонымен қатар, оның айтуынша, ІҚМ терісінен жасалған былғары өндірісі былтырғы ұқсас мерзіммен салыстырғанда 88,1-ге өсіп, 273,9 мың ш.м жеткен, яғни 3,1 есе артқан (2014 жылдың 12 қаңтарынан бастап ТМД елдерімен еркін сауда айналымы туралы Шарт күшіне енді, соған сәйкес Қазақстан Республикасы ТДМ елдеріне қатысты ірі-қара малының өңделмеген терілерін алып кетуге 1 тоннасына 200 еуро көлемінде кедендік салық салады). «Таза мехтан жасалған киім бөліктері, киім әшекейлері мен бұйымдар (бас киімнен бөлек) - 1,8 есе. Киімнен басқа, үй шаруашылығына қажетті дайын тоқыма бұйымдары - 1,17 есе», - деп түсіндірді А. Ержанов.

Еске салсақ, Мемлекет басшысының тапсырмасын орындау аясында «2015-2019 жылдарға жеңіл өнеркәсіпті дамытудың кешенді жоспары» мүдделі органдармен, ҰКП, салалық қауымдастықтармен келісіліп, министрдің бұйрығымен бекітілген.

Индира Кауметова

Барлық жаңалықтар