Ақмола облысының көшбасшылары Болгариядағы жастар форумына қатысты (ФОТО)

3 Желтоқсан, 2014 18:46

Ақмола облысының көшбасшылары Еуропаның 46 елі, ТМД мен Ресейдің жастар өкілдері қатысқан Болгариядағы V халықаралық жастар форумына қатысты, деп хабарлады «Ақмола Медиа Орталығы».

Халықыралық жастар форумы өзін орыс тілінде сөйлейтін табысты жастардың, Еуропа, ТМД мен Ресейдің ірі мекемелері өкілдерінің пікір алмасатын сәтті алаңы ретінде көрсете алды. «Форумда Еуропа мен ТМД-дағы орыс тілінде сөйлейтін жастардың мәселелері мен басымдықтары бірге талқыланып, қаралды, шетелдегі жастар ұйымын болашақта дамытудың мақсаты мен міндеттері, түрлі бағыттар бойынша оларды жүзеге асырудағы нақты әрекеттер мен жаңа идеялар сөз болды», - делінген хабарда.

Қазақстаннан форумға Степногорск қаласының үш жас көшбасшысы қатысты. Олар: Оксана Волкова-Михальская - «Женский луч» қоғамдық бірлестігінің басшысы, қаланың табысты кәсіпкерлері - Александр Таганов пен Александр Накошный.

Форумда көптеген қызық тақырыптар қозғалды. Маңызды мәселелердің бірі - Жеіңістің 70 жылдығына арналған «Естелік вахтасы» түрлі елдерде ұйымдастырылуы мен оған қатысуы.

Сонымен қатар форум аясында «Тарих ескерткіштерінің сақталуы үшін» акциясы өтті.

Барлық жаңалықтар