Қазақстан Батыс Қытайға құрылыс материалдарын экспорттау мүмкіндігін қарастыруда

«Қытайдың батыс өңірі қазақстандық өнімді сатудың әлеуетті нарығы болып табылады. Біз осы өңірмен бірлесіп экспорт және Қазақстанда құрылыс саласында өндіріс ашуға және сол өнімді Қытайға апарып сатуға мүдделі кәсіпкерлерге қолдау көрсетуге дайынбыз»,- дейді Еуразия Құрылыс саласы конгресінде  Әсел Ерғазиева.

Сонымен қатар, оның айтуынша, Орталық Азия өңірі елдері тарапынан қызығушылық артып, осы өңірлердегі  компаниялардан белгілі бір деңгейде сұраныс артуда. «Қазақстанда Орталық Азия өңірі елдерінің тауары экспортын сақтандыруға дайын мемлекеттік компаниялар бар. Яғни кәсіпкерлер тауар өндірісі мен экспортында белгілі бір деңгейде сенімге ие болады», - дейді.  

Сонымен қатар,  сату нарығының әлеуетті тұтынушылары ретінде Кавказ елдері, Иран, Әзірбайжан мен өзге де мемлекеттер қарастырылып отыр.

Камила Амирова