Қазақстанда мемлекеттік меншіктегі нысандардың 294 мың шаршы метрі жекешелендіріледі
27 Қыркүйек, 2013 08:49
ҚР Қаржы министрлігі мемлекеттік меншіктегі стратегиялық емес нысандардың 294 мың шаршы метрін жекешелендіруді ұсынды, деп хабарлайды ведомстваның баспасөз қызметі.
"Мемлекеттік мүлік және жекешелендіру Комитеті тарапынан 18456 мемлекеттік заңды тұлғаларға тексеріс жүргізілді. Аймақтық комиссия тарапынан 507,5 мың шаршы метр артық алаңға протокол толтырылды. Оның 101,6 мың шаршы метріне мемлекеттік мекемелерді орналастыру, 111,9 мың шаршы метріне әлеуметтік нысандарды өткізу ұсынылса, 294 мың шаршы метрі жекешелендірілмек, - делінген хабарламада.
Хабарламада айтылғандай, аталмыш шара стратегиялық емес мемлекеттік мекемелерді жекешелендірудің екінші кезеңі аясында өтпек.
