Қарағанды облысының еңбек ұжымдарына «Нұрлы жол» Жолдауы түсіндірілді
2 Желтоқсан, 2014 18:49
Қазақстан Республикасы Парламенті Сенаты Конституциялық заңнама, сот жүйесі және құқық қорғау органдары комитетінің төрағасы, республикалық ақпараттық топтың мүшесі Серік Ақылбай Мемлекет басшысы Н.Ә.Назарбаевтың «Нұрлы жол – болашаққа бастар жол» Жолдауын түсіндіру мақсатында Қарағанды облысындағы еңбек ұжымдары және жұртшылықпен кездесті.
Сенаттың баспасөз қызметі хабарлағандай, «Нұрлы жол – болашаққа бастар жол» Жолдауын Қаражал қаласы мен Жәйрем кентінің тұрғындары ықыласпен қабылдады және оның негізгі ережелерін талқылау барысында Жолдаудың барлық басым бағыттарын іске асыру туралы ойларын ортаға салды.
