«KEGOC» АҚ «Халық ІРО» аясында акцияларына жазылу мерзімін ұзартатындығы туралы жариялады
2 Желтоқсан, 2014 17:03
Осы айдың соңғы күндері «Халық ІРО» бағдарламасы аясында «KEGOC» АҚ акцияларына жазылу барысында ұлттық компанияның акционері болғысы келетін азаматтардың саны күрт артқан, деп хабарлады ұлттық компания.
Өтініштер мен құжаттардың көп түсуіне байланысты оларды өтеу үшін брокерлерге қосымша уақыт қажет.
Осыған байланысты Қазақстан қор биржасының (бұдан былай – KASE немесе қор) Басқармасы шешімімен «Халықтық ІРО» бағдарламасы аясында «Электр желілерін басқару жөніндегі Қазақстан компаниясы (Kazakhstan Electricity Grid Operating Company) «KEGOC» АҚ акияларына жазылу мерзімі 2014 жылдың 05 желтоқсанына дейін ұзартылды.
Қазақстанның қор биржасына «KEGOC» АҚ-ның 10% минус бір акция көлеміндегі топтама немесе біреуінің бағасы 505 теңге болатын 25 999 999 акцияларын орналастыру жүріп жатқанын еске саламыз.
