• Главная
  • Астанада зағип балаларға арналған тұңғыш түзету орталығы ашылды (ФОТО)
2 декабря, 2014 16:48

Астанада зағип балаларға арналған тұңғыш түзету орталығы ашылды (ФОТО)

Астанада зағип және нашар көретін балаларға қызмет көрсететін тұңғыш психологиялық-педагогикалық түзету орталығы ашылды, деп хабарлайды «Дара» қоры.
Астанада зағип балаларға арналған тұңғыш түзету орталығы ашылды (ФОТО)

Орталық №71 мектеп-гимназиясы базасында жұмыс істейді. Түзету орталығына ай сайын көру қабілеті әлсіз 50 шақты бала келіп емделе алады. «Мектепке дейінгі жастардағы зағип балаларға мемлекеттік жеңілдік негізінде бірқатар мамандар кешенді қызмет көрсетеді. Атап айтар болсақ, олардың арасында тифлопедагог, логопед, дефектолог, психолог, хореограф, емдеу-дене шынықтыру маманы мен өзге де мамандар бар. Қызметкерлер пациенттің қабілеттерін арттырып қана қоймай, сонымен қатар балаларды білім беру мекемелеріне дайындайды», - делінген хабарламада.

Сонымен қатар, орталық педагогтары «Дара» қоры ұйымдастырған тренингтерде арнайы дайындықтан өткен. Атап айтар болсақ, итальяндық психология және психомоторика орталығы  жетекшісі Франк Баскаини мен үздік ресейлік тифлопедагогтардың бірі Венерой Дениский сабағын алған.

Айта кету керек, аталмыш орталықты ашуға мұрындық болған осы «Дара» қоры еді. Жоба Астана қалалық білім беру басқармасы тарапынан қолдау алды. Елорда әкімдігі шаршы метр көлемінде ғимарат беріп, орталық қызметкерлерінің жалақысын төлеуді өз мойындарына алды.