2 Желтоқсан, 2014 12:38

«Нұрлы жол» дамудың жаңа бағдарламасы толықтай экономикадағы орталықтандыру қағидасына сай келеді - Сұлтанов

«Нұрлы жол» дамудың жаңа көлемді бағдарламасы экономикадағы орталықтандыру қағидасына жауап береді, деді ҚР қаржы министрі Бахыт Сұлтанов министрліктің 10 айындағы қызметі қорытындыланып, «Нұрлы жол - Болашаққа бастар жол» Президент жолдауын жүзеге асыру аясында 2015 жылға арналған міндеттер анықталған ведомство алқасында.

Министр «Нұрлы жол» экономикалық саясатын табысты жүзеге асыру үшін барлық жағдайдың жасалғанын атап өтті. «Мәселен, жүргізілген әкімшілік реформаның арқасында «жинақы» үкімет пен атқарушы биліктің жаңа құрылымы жұмыс жасап жатыр. Қаржы министрлігі жүйесіне бюджеттік жоспарлау жөніндегі блок өтті, сондай-ақ салық және экономикалық қылмыспен күрес қызметімен бірге кеден комитеттерін біріктіру жолымен Мемлекеттік кіріс комитеті құрылды», - деп мәлімдеді ол.

Қаржы министрінің басшысы ағымдағы жылдың аяғына дейін бюджетке түсім бойынша барлық жоспарды жүзеге асыру қажеттігіне назар аударды. «2014 жылға арналған түсім бойынша нақтыланған жоспарға сәйкес жыл аяқталғанға дейінгі уақыт аралығында біз 682 млрд теңге жинауымыз және бюджеттік заңнамамен қарастырылған жоспарлы тағайындамалардың барлығын орындауымыз керек», - деп атап өтті Сұлтанов.

ҚР Президентінің «Нұрлы жол - Болашаққа бастар жол» жолдауын жүзеге асыру аясында қаржы министрі салық және кеден әкімшілігі саласында бірыңғай процестерді жетілдіру арқылы мемлекеттік қызмет ұсыну сапасын арттыруға үлкен көңіл бөлуге назар аударды.

«Қаржы министрі шығындар бөлігінің орындалуының тиімділігі бойынша мақсатты трансферттерді игеруге ерекше тоқталды. Мәселен 2014 жылдың 1 қарашасындағы жағдай бойынша республикалық бюджеттен 1 трлн 21 млрд 412,2 млн теңге бөлінді», - делінген ведомство ақпарында.

Сондай-ақ, Бахыт Сұлтанов қаржылық тәртіп бойынша жұмысты күшейтуге де мән берді: «Бұзушылықтар себебін анықтау бойынша қаржылық бақылаудың талдамалы құрамдас жұмыстарын арттыру, сондай-ақ оларды болдырмау және алдын алу қажет», - деді ол.

Жекешелендіру мәселелері бойынша министр ағымдағы жылдың желтоқсан айына жоспарланған сатылымды 100% қамту керек, бұл дегеніңіз 127 нысан деп атап өтті.

Өз сөзін аяқтай келе, Б.Сұлтанов Қазақстанның дамыған 30 елдің қатарына енуі Мемлекет басшысының Үкімет алдына қойған бірінші деңгейлі міндеттерінің бірі екенін қадап айтты.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды