Көкшетауда Тұңғыш Президент Күніне арналған квест-ойын өтті (ФОТО)

2 Желтоқсан, 2014 19:31

Тұңғыш Президент Күнін мерекелеу аясында «Жастар ресурстық орталығы» КМБ Ақмола облысының жастар мәселесі саясаты жөніндегі басқармамен бірге алғаш рет жастар ұйымдары арасында «Елбасымен бірге тарих беттері бойынша» квест-ойынын өткізді, деп хабарлады «Ақмола медиа орталығынан».

Оған 3 команда қатысты: «Non stop» командасы-Ш.Уәлиханов атындағы КМБ жастар ісі жөніндегі комитеті, «Жас Отан» жастар қанатының командасы мен Көкшетау қаласының «Қазақстан студенттер Альянсы». Ойын Абылай хан ескерткішінен басталды.

«Ойын ережесіне сәйкес қадағалау нүктелері орнатылған бағыттар бойынша жүріп өту керек. Әр нүктеде командаларға түрлі сипаттағы тапсырмалар берілді - шығармашылық, лигикалық, физикалық төзімділігіне қатысты және т.б. Ереже бойынша тиісті бағытты ең аз уақыт ішінде жүріп өткен және барлық тапсырманы дұрыс орындап шыққан команда жеңіске жетеді», - делінген хабарда.

Квест-ойыны түріндегі жарыс қатысушылардың қала тарихы, Отан және Қазақстан Республикасының Тұңғыш президенті Нұрсұлтан Назарбаев туралы барынша толық ақпарат жинауға деген қызығушылықтарын арттыруға мүмкіндік берді.

Жастар ресурстық орталығында хабарлағандай, мәреге Көкшетау қаласының «Қазақстан студенттер Альянсы» бірінші жеткен. Олар жылдам ғана емес, ойынның кілт сөзін де бәрінен бұрын жинаған.

Барлық жаңалықтар