Қызылордада студенттер арасында спартакиада басталды (Фото)
2 Желтоқсан, 2014 19:46
Тұңғыш Президент күніне орай жоғары және орта арнаулы оқу орындары арасындағы облыстық спартакиаданың ашылу салтанаты өтті, деп хабарлады облыс әкімдігі.
Биыл бірінші рет ұйымдастырылып отырған спартакиада мыңға жуық студент баскетбол, волейбол, шағын футбол, дойбы, тоғызқұмалақ, арқан тарту, үстел теннисі секілді 7 спорт түрі бойынша сынға түседі. Жарыс сегіз күнге созылады.
«Студенттер – ұлтымыздың болашақ зияткерлік элитасы, егеменді еліміздің ертеңі, Елбасынан бастау алған Нұрлы жолды жалғастырушылар. Бұл спартакиада достық пен бірліктің мерекесі болса, екінші жағынан бұқаралық спортты дамытудың ерекше тәсілі», - деді облыс әкімінің орынбасары Н.Әлібаев.
