Тұңғыш Президент күні Ақтөбеде 320 орындық балабақша ашылды

Жаңа үлгідегі, заманауи талапқа сай салынған бөбекжай 320 орындық, жалпы алаңы – 3480,67 шаршы метр. Балабақшаның ашылуымен 57 жаңа жұмыс орны құрылды.

«Балабақшаның құрылысына бюджеттен 471,6 млн. теңге, соның ішінде республикалық бюджеттен 444,05 млн.теңге және жергілікті бюджеттен 27,6 млн.теңге бөлінді», - делінген хабарламада.

Облыс әкімі А.Мұхамбетов щараға қатысушылардың барлығын шын жүректен мемлекеттік мерекемен құттықтап, Ақтөбеде жаңа мектепке дейінгі білім беру мекемесінің маңыздылығына тоқталып, Қазақстан Республикасының Президенті Н.Ә.Назарбаевтың «Нұрлы жол – болашаққа бастар жол» атты Жолдауында қойылған міндертер аясында әлеуметтік саланың алдағы дамуынан хабардар етті.

№45 «Алтын бала» бөбекжайы  13 топқа  есептелген, мемлекеттік және орыс тілдерінде оқытылады. Бөбекжайда музыка залы, медициналық кабинет, асхана, кір жуатын бөлме, ойын және жатын бөлмелері заманауи балалар жиһаздарымен жабдықталған.