«Нұрлы жол» Жолдауында белгіленген міндеттердің іске асырылуы денсаулық сақтау саласын дамытуға жаңа серпін береді- ДСӘДМ

Жұмыс сапарының бірінші күні Серікбол Мусинов Подстепное ауылындағы дәрігерлік амбулаториясында, Орал қаласындағы №5 қалалық емханасында болды. Областық диагностикалық орталығында вице-министрдің өңірдің медицина жұртшылығымен кездесуі өтті.

«Жұмыс сапарының екінші күні С.Мусинов Бөрлі ауданының тұрғындарымен және медицина қызметкерлерімен кездесті. Кездесу барысында ол Жолдаудың негізгі басымдықтарына тоқталып, іс-шараға қатысушылардың сұрақтарына жауап берді», - делінген хабарламада.

Үшінші күні бірқатар денсаулық сақтау нысандарына бару және Гемодиализ орталығының пациенттерімен кездесу жоспарлануда.

Өңір тұрғындарының алдында вице-министр амбулаториялық-емханалық қызметтің, психологтар жұмысының өзектілігін, мектептердегі медицина қызметкерлерінің, жол құрылысының, инфрақұрылымның дамуының, салауатты ұрпақты тәрбиелеуде отбасылық құндылықтарды сақтаудың, елімізді дамытуда республиканың әрбір азаматының рөлінің маңыздылығын атап өтті.

Сондай-ақ, денсаулық сақтау саласына ақпараттық жүйені енгізу, әлеуметтік сақтандыру медицинаға көшу және тағы басқа мәселелер талқыланды.

С. Мусинов әріптестерін Қазақстан Республикасының Тұңғыш Президенті күнімен құттықтап, Ұлт Көшбасшысының жүйелі негізде атқарып келе жатқан қажырлы еңбегі нәтижесінде Қазақстан дамудың даңғылына түсіп, саяси, экономикалық және әлеуметтік сала, соның ішінде денсаулық сақтау саласы да жаңғыртылып жатқанын атап өтті.   

Өз кезегінде облыстың медицина жұртшылығы Президент Жолдауында берілген тапсырмаларын орындау үшін барлық күш-жігерлерін салатындығын, белгіленген міндеттердің іске асырылуы денсаулық сақтау саласын дамытуға жаңа серпіліс беретіндігін айтып өтті.