Президент туралы төртінші фильмнің бюджеті 2,5 млн долларды құрады

 «Фильм бюджетіне келер болсақ, ол орташа ғана, индустриалды құрылымына қарай, Голливудта мұндай фильмді үлкен қаражатқа түсірер еді, ал бізде оған 2,5 млн доллар ғана жұмсалды, сондықтан мұндай картина үшін бұл орташа бюджет», - деп мәлімдеді  режиссер.

Сонымен қатар, Р.Әбдірашев киноэпопеяның алғашқы бөлімдерін түсіру кезінде жиналған тәжірибе барлық қатысушалр мен фильмді жасаушылардың бірге және ұйымдасқан түрде жұмыс жасауларына көмектескенін атап өтті.  

«Біз бұл алаңдарда болдық, түсіру және қарым-қатынас тәжірибесін жинадық, сондықтан бұл бізге өте жақсы көмек болды»,- деді фильм режиссері. 

4 желтоқсанда киноның жалпы көрсетілімге шығарылатынын атап өткен жөн. Қазақстандықтар киноны еліміздің 70-тен астам кинотеатрларынан көре алады. 

«Бізде қандай да бір алдын-ала келісім бар. Бүгін фильмнің алғашқы көрсетілімі болады, бұл біз үшін өте маңызды сәт, сосын көрсетілімдер өңірлердегі, облыс орталықтарындағы барлық кинотеатрларда болады, сосын кинофильмнің прокаты басталады»,- деп толықтырды Р.Әбдірашев. 

«Тығырықтан жол тапқан» киножобасының түсірілімі 2014 жылдың ақпанында басталды. Фильмге қазақстандық актерлермен қоса ресей кино жұлдыздары  Валентин Гафт, Евгений Сидихин, Владимир Стеклов, Евгений Стычкин, Виктор Сухоруков түсті.

Елбасының  басты рөлін фильмде қазақстандық актер Нұрлан Әлімжанов ойнады.

«Тығырықтан жол тапқан» фильмінде Елбасы Н.Назарбаевтың жұмыс жолы, Теміртаудағы Карметкомбинат-металлургия зауытында партиялық ұйым жетекшілігі кезіндегі өмірі суреттелген.

Индира Қауметова