«Нұр Отан» сайтында партия Лидерінің қызметіне арналған бет ашылды
1 Желтоқсан, 2014 15:33
Бүгін, 1 желтоқсанда, Қазақстан Республикасының Бірінші Президентінің күнінде «Электрондық партия» Nurotan.kz жобасының ақпараттық порталында партия Лидері Н.Ә.Назарбаевтың қызметіне арналған бет ашылды, деп хабарлады партияның баспасөз қызметі.
Бет 5 бөлімнен тұрады: «Оқиғалар», «Сөздер», «Жолдаулар», «Дәйексөздер» және «Фотосуреттер».
««Оқиғалар» бөлімінде партия Лидерінің қызметімен байланысты ақпараттық хабарлар орналастырылған. «Сөздер» бөлімінде ҚР Президентінің партияның іс-шараларында сөйлеген сөздері топтастырылған. «Дәйексөздер» бөлімінде Мемлекет басшысының сөздерінен алынған «Нұр Отан» партиясының қызметінің басымдылығына байланысты айтқан үзінділері жинақталған», - делінген хабарламада.
Партия Лидері Н.Ә.Назарбаевқа арналған бет үш тілде дайындалды – қазақ, орыс және ағылшын. Сайттағы ақпараттар үнемі жаңартылып отыратын болады.
