• Басты
  • Астанада еңбек көші-қонының үдерісі талқыланды

Астанада еңбек көші-қонының үдерісі талқыланды

28 Қараша, 2014 10:48
Астанада еңбек көші-қоны процесінің құқықтық аспектілері, мониторинг және шетелдік еңбек күшін жалдау бойынша семинар өтті, деп хабарлады денсаулық сақтау және әлеуметтік даму министрлігі.

Аталмыш шараны ҚР денсаулық сақтау және әлеуметтік даму бағдарламасы Министрлігі Астанадағы ЕЫҚҰ Орталығымен және Көші-қон жөніндегі халықаралық ұйыммен (КХҰ) бірге  ұйымдастырды.

Министрлікте атап өткендей, бүгінгі таңда әлемдегі көптеген елдерде еңбек көші-қонын реттеу мәселесі бірінші орынға шығуда.  Осыған байланысты мемлекет жұмыс күшін жеткізуші және тартушы ретінде аталмыш процестерді реттеу қажеттігімен бетпе-бет келіп отыр, себебі басқарылмайтын еңбек көші-қоны кез келген мемлекет дамуындағы күрделі мәселелердің біріне айналуда.

Шаралар барысында қатысушылар еңбек көші-қоны мен жұмыс күшін жалдау, еңбек көші-қонын басқарудағы заманауи көзқарас, сондай-ақ жалдау саясаты, еңбекке орналастыру стандарттары мен қағидалары мәселелерін талқылады. 

ЕЫҚҰ төрағалары еңбек көші-қонын басқарудың заманауи жүйесіне шолу  жасады, сондай-ақ қатысушыларды еңбек көші-қоны саласындағы Еуроодақ, Ұлыбритания мен Канада заңнамасымен таныстырды.  

Барлық жаңалықтар