КМУ-де қоғамды әлеуметтік жаңғыртудағы Тұңғыш Президенттің рөлі талқыланды
27 Қараша, 2014 13:03
Ш.Уәлиханов атындағы Көкшетау мемлекеттік университетінің салтанат залында Қазақстан Республикасының Тұңғыш Президенті күніне арналған «Қазақстан Республикасының Президенті Н.Ә.Назарбаевтың қоғамды әлеуметтік жаңғыртудағы рөлі» атты дөгелек үстел өтті, деп хабарлады БҒМ.
Отырысты Ш.Уәлиханов атындағы КМУ ректоры, профессор Ә.Ә.Әбжаппаров өзінің құттықтау сөзімен бастап, Елбасының халыққа арнаған Жолдауына тоқталып өтті. Одан соң қатысушыларға «Назарбаев феномені» атты бейнефильм көрсетілімі ұйымдастырылды.
Шараға қатысқан баяндамашылар Елбасы-Нұрсұлтан Назарбаевтың қоғамды әлеуметтік жаңғыртудағы ролі туралы талқылады.
Сонымен бірге, Ұлт Көшбасшысы Н.Ә.Назарбаевтың даналығы, гуманизмі, оның мұқалмас ерік-жігері, болашаққа ұмтылысы және халқына адал қызмет етуі де осы отырыстың негізгі арқауы болды.
Отырыс соңында қорытынды жасалып, қарар қабылданды.
