ҚР Бразилиядағы Елшісі Латын Американың жетекші жоғары оқу орындарының бірінде дәріс оқыды
Қазақстан Республикасының Бразилиядағы Елшілігінің және Латын Америкасындағы белгілі жоғарғы оқу орнының бастамасымен «UNB» Бразилиа Университетінде Қазақстан Республикасының Бразилиядағы Елшісі Бақытжан Ордабаев ҚР Президенті Нұрсұлтан Назарбаевтың «Нұрлы жол - болашаққа бастар жол» атты Қазақстан халқына арналған Жолдауымен таныстыру мақсатында арнайы дәріс өткізді, деп хабарлады СІМ.
Аталған семинарға Бразилияның Сыртқы байланыстар министрлігінің және басқа да мемлекеттік органдардың өкілдері, Бразилиа қаласында тіркелген дипломатиялық миссиялардың басшылары мен өкілдері, ғылым қайраткерлері, Бразилиа қаласының және Федералдық көптеген жоғарғы оқу орындарының профессорлары, «UNB» студенттері, сондай-ақ Бразилияның БАҚ өкілдері қатысты.
«Қазақстандық дипломат Қазақстан бүгінгі таңда өзінің көпвекторлы сыртқы саясатының арқасында жоғарғы халықаралық қауымдастықта танымал екенін, оның жауапты әрі беделді мүшесі болып отырғанын мәлімдеді. Сонымен қатар, Қазақстан ғаламдық қарусыздандыру және ядролық қаруды таратпау саласында көшбасшылық етіп отырғанын, сондай-ақ, мәдениет, әлемдік діндер лидерлері және өркениет диалогының модераторы болып табылатынын және оның кезекті Съезі 2015 жылғы маусым айында Астана қаласында өтетінің басып айтты», - делінген хабарламада.
«UNB» Университетінің ректоры Иван Камарго, өз кезегінде, қазақстандық Елшінің мазмұнды баяндамасының арқасында Университеттің профессорлық-оқытушылар құрамы Қазақстанның кезекті маңызды бастамасымен танысуға тікелей мүмкіндік алғандарын айтып жеткізді. «Бүгін біз Қазақстанның Мемлекет басшысының жолдауымен танысуға мүмкіндің алдық, менің ойымша, бұл Презденттің бүгінгі әлемдік ахуалда Қазақстанның әлеуметтік және экономикалық проблемаларды шешу жолдарын көрсететін өз көзқарасын және басты идеясын жеткізетін маңызды құжат. Бүгінгі семинарға келіп отырған азаматтар, Университеттің қызметкерлері мен студенттері бұл құжатпен қанағаттанарлықпен танысып, оның ішіндегі бастамалар мен жаңа идеяларды өздерінің болашақ істерінде пайдаланатынына еш күмәнім жоқ»- деп, үлкен басымдылықпен айтты.
Іс-шараның соңында Елші Б.Ордабаев осы сияқты шаралардың өткізілу ерекшелігі мен маңыздылығын атап өтті.