• Басты
  • Б.Байбек: «Нұрлы жол» - еліміздің алдағы онжылдығының тұрақты жоспары (Фото)
26 Қараша, 2014 16:49

Б.Байбек: «Нұрлы жол» - еліміздің алдағы онжылдығының тұрақты жоспары (Фото)

Нұр Отан» партиясы Төрағасының Бірінші орынбасары Бауыржан Байбек Алматы облысына жұмыс сапарымен барып, партияның өңірлік филиалының XIV есептік-сайлау конференциясына қатысты. Онда облыстық Қазақстан халқы Ассамблеясының (ҚХА) мүшелері және «Партияның 50 тұлғасы» жобасының қатысушыларымен кездесті, деп хабарлады партияның баспасөз қызметі.
Б.Байбек: «Нұрлы жол» - еліміздің алдағы онжылдығының тұрақты жоспары (Фото) | Strategy2050.kz

Партия Төрағасының Бірінші орынбасары әуелі Талдықорған қаласындағы «Достық үйіне» ат басын бұрып, жергілікті ҚХА мүшелерімен кездесті. Облыс аумағында 103 этнос өмір кешеді. Бүгінде 70 этномәдени орталық жұмыс жасауда.

Кездесу барысында Партия Төрағасының Бірінші орынбасары Б.Байбек жаңа Жолдаудың басты құндылығын атай отырып, «Елбасының «Нұрлы жол» Жаңа экономикалық саясаты – бұл сынақтардан сүрінбей өтудің ғана жобасы емес, ол алдағы ондаған жылды қамтитын еліміздің сапалы дамуының кешенді жоспары, болашақтың инфрақұрылымына жасалған инвестиция», - деді.

Өз кезегінде, күрд, болгар, неміс және т.б. этномәдени орталықтардың өкілдері Елбасы Жолдауына қолдау білдіріп сөз сөйледі.

«Елбасы Жолдауын іске асыруда этномәдени орталықтардың рөлі бірнеше есе арта түсті. Мемлекет басшысы өз сөзінде: «Толысқандықтың жаһандық сынынан өту үшін біздің топтаса білуіміз қажет. Біз барлық қазақстандықтар арасындағы сенімді нығайтуға тиіспіз» дей отырып, Қазақстан халқының ынтымағын сақтауға шақырған еді. Тиісінше, этномәдени орталықтар қызметі ортақ шаңырағымыздағы тұрақтылықты сақтауға бағытталған», - деп атап өтті облыстық болгар этномәдени орталығының төрайымы Дарья Кравченко.

Бұл ретте, «Видергебурт» Талдықорған немістері қауымдастығының жастар қанаты лидері Егор Молодцов көпұлтты Қазақстанның инновациялық серпін жасап, әлемнің озық елдерінің қатарына енуі – тек қана ұлттық ынтымақты сақтауға байланысты екендігін айтты.

Есептік-сайлау конференциясы барысында партияның өңірлік Саяси кеңесінің құрамы жаңартылды. Мысалы, жаңа құрамда жастардың саны үш есеге, кәсіпкерлер екі есеге, әйелдер біржарым есеге көбейді. Сонымен қатар, мүмкіндігі шектеулі жандар  қатарға алынды.

Сондай-ақ, конференцияда Алматы облысының әкімі Амандық Баталов «Нұр Отан» партиясының өңірлік филиалының төрағасы болып сайланды. Ол өз сөзінде жаңа бағдарламаның сәтті іске асырылуының негізінен аймақ халқының қолдауына байланысты екендігін жеткізді. «Қоғамның, партиялықтардың, әрбір азаматтың үлесі Президент бастамасын жемісті жүзеге асырудың кепілі болмақ», - деп ойын сабақтады А.Баталов.

Партияның Алматы облысы филиалы төрағасының бірінші орынбасары Серік Мұқанов өңірлік филиал қызметі турасында баяндама жасады. Мысалы, облыс аумағында 100 мыңнан аса нұротандықтың басын қосқан 19 аумақтық филиал және 331 бастаушы партия ұйымы жұмыс атқаруда. Ағымдағы жылдағы мәліметтерге қарағанда, партия мүшелерінің 95%-ы жаңа үлгідегі партиялық билеттерді алып үлгерді.

Жиын соңында Б.Байбек азаматтық сектор өкілдері, кәсіпкерлер, өндірісшілер, жастар белсенділері және дәрігерлер мен мұғалімдерден құралған «Партияның 50 тұлғасы» жобасының өңірлік қатысушыларымен кездесті.

 Жоба қатысушылары «Нұрлы жол» Жаңа экономикалық саясатының басым бағыттарын талқылап, Президенттің тапсырмаларын іске асыру бойынша өз ойларын ортаға салды.       

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды