• Басты
  • Қазақстан Қарулы Күштері басшылығының құрамы жауынгерлік даярлық жүйесін қайта қарауда
26 Қараша, 2014 15:18

Қазақстан Қарулы Күштері басшылығының құрамы жауынгерлік даярлық жүйесін қайта қарауда

Бүгін Қазақстан армиясында әскер түрлерінің бас қолбасшыларымен, өңірлік қолбасшылық әскерлері мен әскер тектерінің қолбасшыларымен, ҚР Қарулы Күштері құрамалары мен бөлімдерінің командирлерімен оқу-әдістемелік жиын басталды, деп хабарлады қорғаныс министрлігі.

Қазақстан Қарулы Күштері  басшылығының  құрамы жауынгерлік даярлық жүйесін қайта қарауда | Strategy2050.kz

«Іс-шара әскери басқару органдарын және әскерлерді даярлау тәжірібесімен алмасу мақсатында ұйымдастырылған. Жиынға қатысушылар Қазақстан армиясы тыныс-тіршілігінің барлық тараптарының, жауынгерлік даярлықты ұйымдастыру мен жүргізудің өзекті мәселелерін талқылайды», - делінген хабарламада.

Жиын аясында түске дейін жауынгерлік даярлықты ұйымдастырудың жаңа тәсілдерін тиімді қолдану мәселелерін талқылау бойынша практикалық конференция өтті. ҚР ҚК Бас штабының бастығы генерал-полковник Сәкен Жасұзақов «әскери теорияны терең зерделеу, қауіпсіздікке төнетін жаңа қауіп-қатерлер контексінде әскери ғылымның бағыттарын кеңейту, қазіргі заман әскери қақтығыстарының алдыңғы қатарлы тәжірибелерін пайдалану қажеттігін»  атап өтті.

С. Жасұзақов жауынгерлік даярлық жүйесін қайта қарау мәселелеріне ерекше тоқталды. Ол қазіргі уақытта Құрлық әскерлерінде оқыту мен жауынгерлік даярлықтың модульдік принципін сынақтан өткізу жүріп жатқанын хабарлады. Сонымен қатар жиын барысында мамандықтар бойынша сынақ тапсыру және әдістемелік сабақтар өткізу жоспарланған. Ұлттық қорғаныс универститетінің жанындағы Имитациялық модельдеу орталығында жиынға қатысушылармен жедел (тактикалық) лездемелер өткізіледі. Оқу-әдістемелік жиының мәдени бағдарламасында «Елбасы жолы» кинохикаясының шығармашылық ұжымымен кездесу және ҚР ҚМ Орталық ансамблінің өнер көрсетуі көзделген. 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды