«Зерде» холдингі ТМД елдерінде АКТ дамыту бойынша базалық ұйымға айналды
«Бізге сенім артқаны үшін Үкімет басшылары кеңесіне, ТМД мен БАЫ-ның атқарушы комитеттеріне алғысымды білдіргім келеді. Біз үшін Базалық ұйымға айналу өте үлкен абырой, және бұл үлкен жауапкершілікті талап етеді. «Зерде» холдингі АКТ-ды дамытуға оң ықпал ететіне және ақпараттық қоғамды құру мен дамытуда ТМД қатысушы-мемлекеттерінің Ынтымақтастық стратегиясын жүзеге асыруда үлкен үлес қосатынына сенемін», - деп атап өтті «Зерде» холдингінің Басқарма Төрағасының Бірінші орынбасары Бикеш Құрманғалиева.
Хабарланғандай, базалық ұйымның негізгі қызметтері мыналар болып табылады: АКТ-ды жүйелік және кең ауқымды қолдануға бағытталған, ТМД қатысушы-мемлекеттер саясатын қалыптастыру мәселелері бойынша ұсыныстарды дайындауға қатысу, сондай-ақ ТМД қатысушы-мемлекеттерде ақпараттық қоғамды қалыптастыру мен дамыту және оларды әлемдік ақпараттық кеңістікке біріктіру; ТМД қатысушы-мемлекеттер мүдделерінде АКТ саласындағы маңызды бағдарламалар мен жобаларды қалыптастыру бойынша ұсыныстарды әзірлеу; АКТ саласындағы мемлекетаралық пен үкіметаралық шарттарды, концепцияларды, бағдарламаларды және олардың жүзеге асуы бойынша іс-шаралар жоспарларын дайындауға қатысу; ТМД Үкімет басшылары кеңесінің 2012 жылғы 28 қыркүйектегі Шешімімен бекітілген, ақпараттық қоғамды құру мен дамытуда ТМД қатысушы-мемлекеттердің Ынтымақтастық стратегиясын жүзеге асырудың ағымдағы жағдайына талдау жасау, мемлекетаралық бағдарламаларды, келісімшарттарды орындауға қолғабыс ету; АКТ саласында ТМД қатысушы-мемлекеттердің интеграциялық байланыстарын дамытудың әдістемелік және ақпараттық қамтамасыз етуді әзірлеуге қатысу; ТМД қатысушы-мемлекеттердің ғылыми зерттеу ұйымдарымен АКТ саласында өзекті тақырып бойынша бірлескен ғылыми зерттеу мен басқа бағдарламаларды дайындауға және жүзеге асыруға қатысу; Базалық ұйым қызметінің негізгі бағыттары бойынша деректер қорын қалыптастыру және сүйемелдеу; АКТ саласында нормативтік-құқықтық және нормативтік-техникалық қорды жетілдіру бойынша ұсыныстарды әзірлеу; ТМД қатысушы-мемлекеттердің АКТ саласында мемлекетаралық және үкіметаралық бағдарламалар мен жобалардың сараптамаларын өткізуге қатысу; Халықаралық ұйымдарға АКТ секторын дамыту жағдайы туралы ақпаратты жинақтау, өңдеу әдістерін жетілдіруге қатысу және жеткізу, соның ішінде халықаралық ұйымдармен қалыптасатын, АКТ-дамыту көрсеткіштерін тұрақты бақылау мен талдау нәтижелерінің негізінде; Ғылыми және сарапшы орта өкілдері, ТМД қатысушы-мемлекеттердің оқу орындары арасында АКТ саласында тәжірибе алмасуға көмектесу; ТМД қатысушы-мемлекеттерде АКТ құралдарын әзірлеу мәселелері бойынша сараптамалар мен консультацияларды өткізуге қатысу; Серіктестерді іздеуге, жұмыс кездесулерді, халықаралық форумдарды, конференцияларды, кеңестер мен семинарларды ұйымдастыруға жәрдемдесу.
Естеріңізге сала кетейік, Астанада 7-8 қазанда өткен, Global e-Government Forum 2014 барысында, әлемге танымал көптеген сарапшылар Қазақстан ендірілген технологияларды көрші елдерде көбейте алатын, АКТ дамытудың жоғары деңгейіне жеткенін атап өтті.
