ҚР Әуе қорғанысы күші басшылығы 2014 жылдың қорытындысын шығарды

25 Қараша, 2014 14:48

Астанада Әуе қорғанысы күштерінің бас қолбасшылығы басқармасында әскери бөлімше командирлерімен, штаб басшылары мен тәрбие және идеологиялық жұмыс бойынша командир орынбасарларымен оқыту-әдістемелік жиын өтіп жатыр, деп хабарлайды Қорғаныс министрлігі.

Жиын аясында офицерлер 2015 жылға арналған әскери дайындықты жоспарлауға қатысты мәселелерді қарап, идеология, әскери тәртіпті нығайту құқықты сақтау мәселелерін назарға алды.

«Шараның мақсаты әскери бөлімшелердегі қызметтік-әскери жұмыстар мен күнделікті тәртіпті ұйымдастыру бойынша командирлердің біріңғай жұмыс әдістерін дайындау болып табылады», - дейді бас штабтың басшысы генерал-майор Марат Уашпаев.

Оқыту-әдістемелік жиын барысында командирлер мен олардың орынбасарлары әскери және арнайы дайындық, психологиялық тестілеу, сонымен қатар тәжірибелік әрекеттер бойынша сабақтар кешенін өткізеді.

Хабарламада айтылғандай, басшылық құрамымен жиының соңында 2014 жылдың жұмыс қорытындысы шығарылады. Басшылық құрамға басты мәндеттемелер мен алдағы уақыттың басты шаралары айтылып, мәндеттерді орындаудың сапасы мен орындау деңгейі бақыланады. Сонымен қатар әскери кезекшілік, әскери дайындық қорытындысы шығарылып, әскери тәртіп пен әскери қызмет бағасы шығарылады.

«2014 жылы Әуе қорғанысы күштерін дамытудың міндеттерін іске асыру нұсқаларын қарастырып, басым бағыттарды атқару дайындығын пысықтадық», - дейді генерал-майор Нұрлан Орманбетов.

Барлық жаңалықтар