• Басты
  • «Самұрық-Қазына» АҚ тәуелсіз ұлттық әл-ауқат қорлары Халықаралық форумының (IFSWF) ресми мүшесі болып қабылданды
25 Қараша, 2014 11:32

«Самұрық-Қазына» АҚ тәуелсіз ұлттық әл-ауқат қорлары Халықаралық форумының (IFSWF) ресми мүшесі болып қабылданды

Қатар астанасы Доха қаласында «Самұрық-Қазына» АҚ-ның Халықаралық тәуелсіз ұлттық әл-ауқат қорлары форумы (IFSWF) ұйымының қатарына енуі жөніндегі келісімге салтанатты түрде қол қою рәсімі өтті, деп хабарлады «Самұрық-Қазына» АҚ баспасөз қызметі.
«Самұрық-Қазына» АҚ тәуелсіз ұлттық әл-ауқат қорлары Халықаралық форумының (IFSWF) ресми мүшесі болып қабылданды | Strategy2050.kz

Құжатқа «Самұрық-Қазына» АҚ Басқарма Төрағасы Өмірзақ Шөкеев пен форумның Төрағасы Бадер Мұхаммед Әл-Саад қол қойды.

 «Бұл ұйым бүкіл әлемдегі барлық тәуелсіз қорлардың жұмысына мониторинг жасап, саралап отырады. Форум аясында екі жақты кездесулер өткізіліп, бірлескен жобаларды жүзеге асыру жайы талқыланады. Компаниялар бірін-бірі тәуекелі барынша аз салаларда әріптестікке шақырады. Сол себепті «Самұрық-Қазына» АҚ-на тәуелсіз қорлардың Халықаралық форумына қабылдану зор мәртебе»,- деп «Самұрық-Қазына» АҚ Басқарма Төрағасы Өмірзақ Шөкеев айтты.

«Самұрық-Қазына» АҚ Форумның 26-шы мүшесі атанды. Ресми мүшелікке қабылданған «Самұрық-Қазына» АҚ енді  Форумның жыл сайынғы отырыстарына қатыса алады. Тәуелсіз әл-ауқат қорларының халықаралық жүйесіне қол жеткізіп, форум мүшелерінің озық тәжірибелерін зерттеуге мүмкіндік алады. Форум Хатшылығы тарапынан қолдау табады.

Форум – сингапурлық «Temasek Holdings», малайзиялық «Khazanah Nasional», «Қытай Инвестициялық Корпорациясы», ресейлік «Ұлттық әл-ауқат қоры», қатарлық «Qatar Investment Authority» және т.с.с әлемнің жетекші 25 әл-ауқат қорын біріктіретін элиталық клуб. Оған тек қаржылық ахуалы тұрақты, корпоративтік басқару жүйесі ашық та айқын, жұмысының тиімділігі жоғары қорлар ғана мүшелікке қабылданады. Жоғарыда аталған негізгі талаптар Сантьяго қағидаларына топтастырылған.

Бұдан бөлек, Форумға қатысушыларды сол күні Қатар әмірі Шейх Тамим бин Хамад Әл-Тани қабылдады.

«Сонымен қатар, «Самұрық-Қазына» АҚ Басқарма Төрағасы Қатар инвестициялық қорының құрамындағы бірқатар компаниялардың өкілдерімен іскерлік кездесулер өткізді. Тараптар балама қуат көздері мен тау-кен саласындағы әріптестік мәселелерін талқылады. «Самұрық-Қазына» АҚ активтерінің картасын таныстыру барысында Қатар инвестициялық қорының өкілдері жекешелендіру бағдарламасы аясында бірқатар нысандар мен активтерді сатып алуға қызығушылық танытты», - делінген хабарламада.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды