Пекинде қауіпсіздік пен қорғаныс жөніндегі«Сяншань» форумы өтті
25 Қараша, 2014 09:48
Азия-Тынық мұхиты аймағындағы өңірлік және теңіздегі қауіпсіздік құрылысы мәселелері, терроризммен күрес саласындағы өзара іс-қимыл Пекиндегі форумда талқыланды, деп хабарлады қорғаныс министрлігі.
«Қауіпсіздік пен қорғаныс жөніндегі«Сяншань» бесіншіхалықаралық форумына ҚР ҚК Бас штабы бастығының орынбасары генерал-майор Мұқан Дүйсекеев бастаған Қазақстан Республикасы Қорғаныс министрлігінің делегациясы қатысты», - делінген хабарламада.
Форумға Азия-Тынық мұхиты аймағы елдері қорғаныс ведомстволарының басшылары, халықаралық ұйымдардың өкілдері, бұрынғы саяси және әскери көшбасшылар, сондай-ақ ғалымдар мен халықаралық ынтымақтастық саласындағы мамандар шақырылды.
