24 Қараша, 2014 13:08
А.Күзеков: Қазақстанда ел ішінде энергетикалық желіні сақиналау мүмкіндігі туды (Брифинг бейнебаяны)
Бізде қазір ел ішінде энергетикалық желіні сақиналауға қаржылық мүмкіндік туды, деп мәлімдеді ҚР Парламент Сенатының депутаты Асхат Күзеков.
«Тәуелсіздігіміздің 23 жылы ішінде бізде ел ішіндегі энергияны сақиналауға қаржылық және техникалық мүмкіндік туып отыр. Жолдауда айтылған энергетикалық инфрақұрылымды дамыту тапсырмасы бойынша 2 жоғары қуатты электр тасымалдау бағыты құрылатыны көрсетілген. Бұл Екібастұз-Семей-Өскемен және Семей- Талдықорған-Алматы», - деді ол.
Депутат атап өткендей, желіні сақиналау электр энергетикасының тұрақтылығы мен электр энергиясын қолдануды үнемдейді. «Электр энергиясы тапшылық көрсетіп жатқан аймақ оңтүстік болып есептеледі», - деді ол.
Айта кетерлігі, жоғары қуатты желінің құрылысы ұлттық желінің әлеуетін арттырады. Ол солтүстік Қазақстанға бағытталған, 200 мегаваттан 750 мегаваттқа жеткізіп, оңтүстіктегі тапшылықты жою.
Индира Кауметова
