Астанада мүмкіндігі шектеулі балаларға арналған әлеуметтік өнер байқауының жеңімпаздары марапатталуда

«Мемлекеттік саясатты дамыту қоры» ҚҚ ҚР Мәдениет және спорт министрлігінің тапсырысымен «Астана ЭКСПО-2017 халықаралық мамандандырылған көрмесіне имидждік кәдесый өнімдері үлгілерін дайындау» атты мүмкіндігі шектеулі жандарға арналған халықтық және сәндік-қолданбалы өнер туындылары бойынша республикалық әлеуметтік байқауын өткізді.

Шараның мақсаты – мүмкіндігі шектеулі жандарды тарта отырып Қазақстанда қолөнер туындыларын дамытуға ат салысу мен қатысушылар арасынан ең дарынды деген өнер иелерін анықтау.

Байқау 3 аталым бойынша өтті: 1 «Дарынды бастау» (Жас барындар байқауы); 2) «Эко-дизайн» (жаңа шығармашылық нысанда материалдың өңделуі); 3) «Мұрагер» (Тірі жәдігер).

«Сараптама комиссиясының құрамына жоғары білікті және беделді өнер қайраткерлері, дизайн саласының атақты өкілдері мен «Сәндік-қолданбалы өнер шеберлерін қолдау орталығы» қоғамдық бірлестігінің жетекшілері кірді», - делінген хабарламада.

Хабарламада айтылғандай, іріктеу кезеңінде әр номинация бойынша үздік деген туындылар таңдалып алынды.

Ақтық сынға қатысушылар Қазақстанның әрбір өңірінен марапаттау салтанатына арнайы келіп отыр.