Павлодарда ҚР Президентінің «Нұрлы жол - болашаққа бастар жол» Жолдауы талқыланды
24 Қараша, 2014 13:33
Павлодарда ҚР Президентінің «Нұрлы жол - болашаққа бастар жол» Жолдауының 7 басты бағыты талқыланды, деп қала әкімдігінен хабарлады.
«Мемлекет басшысының еліміздің даму тарихымен үндестік тапқан Жолдауы аяқталып жатқан жылдың басты жаңалығы», - деп атап өтті қала әкімі Болат Бакауов.
Қала басшысы атап өткендей, Елбасының Жолдауы геосаяси жағдайына нақты баға беріп, мемлекеттің ұзақмерзімді даму болашағын айқындап берді. Әлемдегі жағдай мен қауіптерді ескере отырып Президент «Нұрлы жол» халықтық экономикалық бағдарламасын ұсынды.
Жолдауды талқылау кеңесінде «Нұрлы жол» - ішкі инфрақұрылымды жетілдіру бойынша дағдарысқа қарсы стратегия және экономикалық өсімнің жаңа нүктесі деген пікір айтылды.
Қала әкімі Президенттің Жолдауда атап көрсеткен 7 бағытының әрқайсысына тоқталды.
