Қазақстандықтардың тұрмыс деңгейі жыл санап жақсаруда – Камалатдин

24 Қараша, 2014 11:33

Елбасымыздың жыл сайынғы дәстүрлі Жолдауы биылғы жылы ертерек жолданып, ел-халықты ерекше бір қуаныш құшағына кенелтіп отыр. Өздеріңізге мәлім, бүгінде Елбасымыз айтқандай, әлем жаңа сындармен, қатерлермен бетпе-бет келіп отыр. Содан да күрмеуі қиын мәселені шешу жолында Елбасы өз Жолдауында нақты тапсырманы белгіледі, деді Strategy2050.kz ақпараттық агенттігіне берген сұхбатында Сырдария ауданы "Мәді қажы” ЖШС төрағасы Аппаз Камалатдин.

«Жолдаудағы Ұлттық қордан қыруар қаржы бөліп, яғни, 2015-тен 2017 жылға дейінгі кезеңге жыл сайын қосымша 3 миллиард долларға дейін қаржы бөліп, тамақ өнеркәсібін дамыту және жол инфрақұрылымын өркендету жөніндегі нақты міндеттер көп көкейіндегі толғақты мәселелерді дөп басты деп ойлаймын», - деді ол.

Ол айтқандай, қазақстандықтардың тұрмыс деңгейлері жыл өткен сайын жақсарып келеді. Бұған біз тұрақтылықты, бірлікті бағалай білгендіктен қол жеткізіп отырмыз деп ойлаймын.

«Елбасымыз айтқандай, "Мәңгілік Ел” идеясының бастауы тым тереңде жатыр. Жалпыұлттық идеяны өміршең ететін елдің бірлігі. Ел бірлігі – біздің барша табыстарымыздың кілті. Содан да Сыр аймағы тұрғындарын берекелі бірлікпен Елбасының Жолдауын жүзеге асыруға біркісідей жұмылады», - деп толықтырды ол.

Барлық жаңалықтар