• Басты
  • Қазақстан ТҮРКСОЙ-дың жұмысын тиімді жалғастыру үшін ұсыныс берді

Қазақстан ТҮРКСОЙ-дың жұмысын тиімді жалғастыру үшін ұсыныс берді

23 Қараша, 2014 15:58
ҚР мәдениет және спорт министрі «Қазан – түрік әлемінің мәдени астанасы - 2014» Жылының жабылуына арналған салтанатты шараға қатысты, деп Мәдениет және Спорт министрлігінен хабарлады.

««Қазан – түрік әлемінің мәдени астанасы - 2014» Жылының жабылуына арналған салтанатты шаралар аясында  Татарстан Республикасының Қазан Ратушасында Түрік мәдениеті халықаралық ұйымының (ТҮРКСОЙ) Тұрақты кеңесінің 32-ші отырысы ұйымдастырылды. Келелі кеңес ТҮРКСОЙ-дың Бас хатшысы Дюсен Қасейіновтың басқаруымен өтті.   Отырыс алдында түкі тілдес мемлекеттердің мәдениет министрлері Татарстан Республикасының Президенті Рустам Миннихановпен кездескен болатын. Президент мырза кездесу қатысушыларын ТҮРКСОЙ Тұрақты кеңесінің 32-ші Отырысының ашылуымен құттықтап, әңгімелесулер барысында жемісті нәтижелерге қол жеткізуді тіледі», - делінген ведомсвтоның хабарламасында.

Тұрақты кеңес кезекті отырысының күн тәртібіне есептік мерзімнің нәтижелерін қорытындылау, ұйым жұмысының алдағы кезеңіне арналған мақсаттарын айқындау мен бағдарламасын бекіту, сонымен қатар, ТҮРКСОЙ ұйымының Бас хатшысы мен уақытша координаторын сайлау мәселелері кірді.

Ұйымның болашақтағы жоспарларын талқылау кезінде Қазақстан ТҮРКСОЙ қызметінің тиімділігін арттыру бойынша бірқатар ұсыныстар енгізген болатын. Нақтылай келе, қазақстандық ведомстваның басшысы алдағы 2015 және 2020 жылдар аралығындағы ТҮРКСОЙ жұмысының Стратегиясын бекітуді ұсынған болатын.

«Тиімді жұмысын жалғастыру үшін ТҮРКСОЙ ішкі тәртіптерін жүйелендіріп, бұл саладағы кемшіліктерін жоюы қажет. Ал Кеңес болса, басқарушы орган ретінде бұл жұмысты бақылап және бағыттап отыратын болады», - деді А. Мұхамедиұлы.

Барлық жаңалықтар