2015 жылы Қазақстанның Оңтүстігі мен Батысында Польшаның құрметті консулдығы ашылады – Ключковский
22 Қараша, 2014 12:33
2015 жылы Қазақстанның Оңтүстігі мен Батысында Польшаның құрметті консулдығы ашылады, деп хабарлады ҚР-дағы Польша Республикасының Төтенше және Өкілетті Елшісі Яцек Ключковский.
«Барлығыңыз білетіндей, 2015 жыл Қазақстан мен Польшаның арасында табысты сауда байланысынан дамыған инвестициялық бағдарламаларға көшу жылы болуы мүмкін. Бұл біздің инвестиция тарту үшін міүмкіндіктер мен жағдай жасаудағы ортақ міндетіміз», - деді Я.Ключковский.
Бұдан басша Елші кәсіпкерлер үшін дипломатиялық өкілдіктер ашылғанын жеткізді. «Дипломатиялық ұйым шеңберінде шешуге болатын мәселелер төңірегінде польшалық кәсіпкерлер мен қазақстандық серіктестерімізге барынша көмек көрсетуге дайынбыз».
«Біз 2015 жылы Қазақстанның Оңтүстігі мен Батысында Польшаның құрметті консулдығын ашпақшымыз. Ол польшалық кәсіпкерлер мен қазақстандық кәсіпкерлер үшін ашылады», - деді Елші жұмадағы бизнес-форумда.
Камила Амирова
