Қазақстан мен Ресей Президенттері ҰҚШҰ Ұжымдық қауіпсіздік кеңесінің сессиясын өткізу барысын талқылады
22 Қараша, 2014 10:21
Мемлекет басшысы Ресей Федерациясының Президенті Владимир Путинмен телефон арқылы әңгіме барысында алдағы желтоқсанның 23-інде Мәскеуде өтетін ҰҚШҰ Ұжымдық қауіпсіздік кеңесінің сессиясы мен Жоғары Еуразиялық экономикалық кеңес отырысының күн тәртібін, соның ішінде Қырғызстанның Еуразиялық экономикалық одаққа қосылу мәселесін талқылады, деп Ақорданың баспасөз қызметі хабарлады.
«Екі ел көшбасшыларының әңгімесіне екіжақты ынтымақтастықты РФ мен ЕО арасындағы өзара санкцияларды ескере отырып дамыту жайы да арқау болды», - делінген хабарламада.
Сонымен қатар, Мемлекет басшылары қыс мезгілінің келуіне байланысты Украинадағы дағдарыстық ахуалға қатысты пікір алмасты.
