Делиде Қазақстан мен Үндістан арасындағы әріптестікті нығайту мәселелері талқыланды
22 Қараша, 2014 12:03
Дели қаласында ҚР Үндістандағы Елшісі Болат Сәрсенбаевтын Үндістан Сыртқы істер министрлігі Еуразия департаментінің директоры Аджай Бисариямен кездесуі өтті, деп СІМ хабарлады.
«Кездесу барысында ҚР Елшісі Қазақстан Президенті Н.Назарбаевтың «Нұрлы Жол» Жолдауының мәтінін тапсырды және үнді дипломатына Жолдаудың негізгі ережелерін таныстырды», - делінген хабарламада.
Қазақтан дипмиссиясының басшысы Жолдаудың басты міндеттерінің бірі ауқымды инфрақұрылымдық бағдарламаны орындау болып табылатындығын атап өтті. Б.Сәренбаев сұхбаттасына «Қазақстан-2050» Стратегиясы бойынша соңғы жылдардағы Қазақстанның жеткен жетістіктері туралы ақпарат берді.
Бұдан басқа, саяси диалогты жандандыру, сауда-экономикалық серіктестіктің белсенділігін артыру, экономикалық серіктестіктің келісім-құқықтық жолдарын қалыптастыру, сондай-ақ мәдени байланыстарды дамыту мақсатында қолданылатын қадамдар мәселелері аталып өтті.
