Н.Назарбаевқа ЭКСПО-2017 нысандары мен жаңа теміржол вокзалына тартылатын жолдарды салу барысы туралы айтылды

21 Қараша, 2014 14:51

Елбасы Нұрсұлтан Назарбаев «Астана Бас жоспары ғылыми-зерттеу жобалау институты» ЖШС-да болды, деп хабарлады Ақорданың баспасөз қызметі.

«Мемлекет басшысы онда Астананың бірқатар инфрақұрылымдық жобаларының жүзеге асырылу барысымен танысты.Астана әкімі Ә.Жақсыбеков Қазақстан Президентіне сәулет және қала құрылысы саласында жүргізіліп жатқан жұмыстар жөнінде баяндады», - делінген хабарламада.

Атап айтқанда, жүрдек автобус тасымалын іске қосуға мүмкіндік беретін «BRT. Астана қаласының жаңа көлік жүйесі» жобасын жүзеге асыру жұмыстары жүргізілуде.

Сондай-ақ Нұрсұлтан Назарбаевқа «ЭКСПО-2017» халықаралық көрмесі нысандары мен жаңа теміржол вокзалына тартылатын жолдарды жобалау мен салу барысы туралы да айтылды.

Сонымен қатар, Мемлекет басшысына елорданың жылу магистралінің 4-ші және 5-ші кезегін жобалау мен салу, энергетика көздері ғимараттарын салу мен қайта жөндеу жұмыстары жөнінде ақпарат берілді.

Қазақстан Президенті Орынбор көшесіндегі, Салтанат қақпасы маңындағы Дөңгелек алаң мен Мыңжылдық аллеясындағы құрылыстарды, тұрғын үй құрылыстарын жүзеге асыру жоспарын, сондай-ақ Астана қаласындағы ескі және апаттық жағдайдағы үйлерді сүру жөніндегі пилоттық жобаның жүзеге асырылу барысын қарап шықты.

Соңында Мемлекет басшысы елорданы бұдан әрі дамыту барысында қаперге алынуы тиіс бірқатар маңызды жайттарды ескертті.