Польшалық кәсіпкерлер Астанада қонақ үй бизнес-кешенін салады

«Біз Қазақстанның экономикалық дамуына үлкен құрметпен қараймыз. Ол бізге Варшавадан жақсы көрініп тұр. Көбіне еуропалық елдермен ынтымақтастық орнатып келген кәсіпкерлеріміз бүгінде өзгеде елдерге сенімдірек қарай бастады. Қазақстан еуропалық емес елдер ішінде беделі басым мемлекеттердің бірі. Қазақстан біз үшін  қызықты тұтынушы нарық болып табылады»,- деді  С.Майман.

Айта кетерлік жайт, форумға польшалық делегацияның құрамында Польша мемлекетінің ірі 60-қа жуық компанияларының өкілдері келді.

«Бизнес форумның қорытындысы бойынша екі келісімге қол қою жаспарлануда. Бұл екі мемлекеттің сауда палаталары арасындағы келісім және польшалық Unibep пен қазақстандық DeepStroyService компаниясының Астанада қонақ үй-бизнес кешенін салу туралы келісім»,- деп түсіндірді С.Майман.

Бұдан басқа,  B2B форматындағы кездесулер шеңберінде польшалық тарап Қазақстан Республикасында машинақұрылысы салаларында ынтымақтастық орнату үлгілерін ұсынды.

Польшалық агенттік басшысының айтуынша, Қазақстан польшалық кәсіпкерлер үшін құрылыс, таукен өндіру, тамақ өндірісі мен «жасыл» технология саларында жобаларды жүзеге асыра алатын нарық. 

«Оның үстіне оның географиялық орналасуа да ерекше. Ол Ресей және Қытаймен шекаралас. Бұл өз кезегінде серіктестіктің қосымша тың тетігі. Әлемдегі экономикалық дағдарыс жағдайында Польшаның экономикасы жақсы дамып келеді және Еуропа елдерінің ішінде алдыңғы қатарда. Еуроодақта құрылған әр екінші жұмыс орын Польшада ашылуда»,- деп ағынан жарылды польшалық агенттіктің басшысы.

Камила Амирова