ҚР Премьер-Министрі мен Беларусь Үкіметінің басшысы сауда-экономикалық ынтымақтастықты талқылады
21 Қараша, 2014 09:01
Түркіменстанға жұмыс сапары аясында ҚР Премьер-Министрі Кәрім Мәсімов Беларусь Республикасының Премьер-Министрі Михаил Мясниковичпен кездесті, деп хабарлады Премьер-Министрдің ресми сайты.
«Әңгіме барысында К.Мәсімов пен М.Мясникович екі жақты сауда-экономикалық ынтымақтастықты дамытуды талқылады, сондай-ақ Кеден одағы мен Бірыңғай экономикалық кеңістік қызметінің өзекті мәселелері жөнінде пікір алмасты», - делінген хабарламада.
Тараптар Қазақстан-Беларусь өзара іс-қимылының деңгейін жоғары бағалап, мемлекетаралық қатынастардың барлық қыры бойынша байланыстарды одан әрі тереңдету қажеттігін атап өтті.
Кәрім Мәсімов 21 қарашада Ашхабадта өтетін ТМД Үкімет басшылары кеңесінің отырысына қатысу үшін бүгін Түркіменстанға келді.
