Астанада мемлекеттік ақпараттық саясатты жүзеге асырудағы ғаламтор ресурстарының маңыздылығы талқыланды
20 Қараша, 2014 18:27
Бүгін Астанада «Қазконтент» АҚ мемлекеттік органдар өкілдеріне арнап «Мемлекеттік ақпараттық саясатты жүзеге асырудағы ғаламтор ресурстарының маңыздылығы» атты дөңгелек үстел өткізді.
Шарада мемлекеттік органдар қызметі тынысының БАҚ беттерінде көрініс табуы, халықпен кері байланыс орнатуы, журналистер мен мемлекеттік органдардың баспасөз қызметі қызметкерлерінің өзара байланысына қатысты мәселелер талқыланды.
Айта кетерлік жайт, дөңгелек үстелді ұйымдастырушы «Қазконтент» АҚ мемлекеттік органдар ресурстарының контентін дамыту мақсатында дәстүрлі түрде мемлекеттік органдардың ғаламтор ресурстарына сараптама мен мониторинг жүргізіп тұрады.
Шарада сөз алған «Қазконтент» АҚ жобаларды дамыту және сараптама департаменті директоры Жанель Жоланова мемлекеттік органдардың баспасөз қызметінің қызметкерлеріне жұмыс сапасын жақсарту мақсатында бірқатар ұсыныстары мен ескертулерін жеткізді.
