20 Қараша, 2014 15:38

Астанада еуразиялық интеграция елдерінің мемлекеттік органдарының депутаттармен өзара әрекеті туралы Қарар қабылданады (Видео)

Астанада «Бағыт-2030» халықаралық жас депутатардың форумы басталды. Онда еуразиялық интеграция елдерінің мемлекеттік органдарының депутаттармен өзара әрекеті туралы Қарарды қабылдау жоспарлануда. Бұл туралы Жас депутаттар қауымдастығының төрағасы Олег Толкайлов мәлім етті.

«Форум ТМД мен Еуразиялық интеграция елдерінің депутаттарын біріктіру мақсатында өткізілуде. Бізге - бастамашы ретінде Қазақстандағы депутаттық кешеннің әлеуетін арттыру маңызды және осы күрделі іске жастарды араластыру», - деді О.Толкайлов.

Жалпы форум жұмысына ТМД елдерінен келген 30-дан астам депутат қатысуда. Ал, қазақстандық тараптан жас 18 депутат атсалысуда.

«Форумның қорытындысы бойынша басты құжат Елбасының «Нұрлы жол - Болашаққа бастар жол» халыққа Жолдауын жүзге асыру бойынша ұсыныстарды жасақтау болмақ. Біздің міндетіміз Жолдау аясында жас депутаттар өздерін қандай салада көрсете алатынын анықтау»,- деп толықтырды ол.

Ерекше басымдылық жастар арасында кәсіпкерлікті дамытуға берілген.

Оның айтуынша, жас депутаттар стратегиялық құжатты іске асыруға дайын. «Өзге мемлекеттен келген серіктестер тәжірибесімен бөлісуге және бізден үйренуге әзір»,- деп түйді Жас депутаттар қауымдастығының төрағасы.

Камила Амирова

Барлық жаңалықтар