Б.Байбек: Елбасының нақты және сараланған стратегиясы Қазақстанның даму болашағын анықтай түседі

Келелі кеңесте саяси партиялар және еліміздің жетекші ҮЕҰ-ы Елбасы Н.Ә.Назарбаевтың «Нұрлы жол - болашаққа бастар жол» атты Қазақстан халқына Жолдауын талқылауда.

«Біз Елбасының тарихи Жолдауын таныстыруының куәсі болдық. Мемлекет басшысы көшбасшылардың ішінде бірінші болып нақты стратегияны таныстырды, ол өз кезегінде Қазақстанның алдағы он жылдықта даму болашағын айқындай түседі. Жалпы, «Нұрлы жол» жаңа экономикалық саясаты дағдарыспен күресті ғана емес, еліміздің алдағы жылдары  даму болашағын көрсетеді», - деп сендірді Б. Байбек.

Сонымен қатар, Б. Байбек,  Қазақстан Президенті Ұлттық қорда жиналған қаражат халықтың ақшасы және бүгінде біз оларды Қазақстанның инфрақұрылымдық болашағына инвестициялаймыз дегенін тілге тиек етті.

«Бұл қаржы ұрпағымыздың болашағына және маңызды салаларды жандандыру үшін жұмсалады. Ілкімді іс іргелі елдің болашағы мен халқының жағдайын жақсарта түседі», - деп атап өтті ол.

Бұдан басқа «Нұр Отан» партиясы төрағасының бірінші орынбасары Бауыржан Байбек Елбасының: «мықты мемлекет пен ынтымағы жарасқан ел ғана дағдарыстан шыға алады», деген сөзін еске түсірді.

Айта кетерлік жайт, бүгін Астанада «Қазақстан-2050» Демократиялық Күштердің Жалпыұлттық Коалициясының (ДКЖК) отырысы өтуде. Келелі кеңесте саяси партиялар және еліміздің жетекші ҮЕҰ-ы Елбасы Н.Ә.Назарбаевтың «Нұрлы жол - болашаққа бастар жол» атты Қазақстан халқына Жолдауын талқылайды.

Индира Кауметова