Нұрлы жол – мәдениет деңгейін көтеруге бағытталған бағдарлама
«Осы орайда Мемлекет басшысының Жолдаудағы «Өткен тарихымызға тағзым да, бүгінгі бақытымызға мақтаныш та, гүлденген келешекке сенім де Мәңгілік Ел деген құдіретті ұғымға сыйып тұр. Отанды сүю – бабалардан мирас болған ұлы мұраны қадірлеу, оны көздің қарашығындай сақтау, өз үлесіңді қосып, дамыту және кейінгі ұрпаққа аманат етіп, табыстау деген сөз. Барша қазақстандықтардың жұмысының түпкі мәні – осы!», деп айтуында үлкен мән жатқаны белгілі. Келесі жылы Қазақ хандығының 550 жылдығын атап өтетініміз соның бір айғағы болса керек», - деді ол.
Ол атап өткендей, бүгінде барлық салада ілгерілеушілік байқалады. Соның бір дәлелі ретінде аймақта мәдениет саласына жасалып отырған қамқорлықты айтуға болады. Облыс әкімі Қырымбек Көшербаевтың тікелей қолдауымен өңірде үлкен шаралар өткізілді.Облыс орталығында жаңа Қазақ драма театры салынатын болды. Жаңа театр ғимараты салынып біткен соң Н.Бекежанов атындағы музықалық драма театры ғимараты облыстық филармонияға беріледі. А.Тоқмағамбетов атындағы мәдениет үйінде жөндеу жұмыстары жүргізілді.
«Осының бәрі Сыр елінде Елбасымыздың сындарлы саясатының арқасында жүзеге асырылып жатыр», - деді ол.
