20 Қараша, 2014 12:48

«Қазақстан-2050» Стратегиясы басымдықтарының бірі – отбасы мен балалық шақты қорғау - Жұмин

"Қазақстан 2050" Жалпыұлттық қозғалысының белсенділері Вашингтон қаласында өткен «Miracles Gala 2014» шарасына қатысты, деп хабарлады Жалпыұлттық қозғалыс.

«Жыл сайын өтетін қайырымдылық шарасында әлемдегі әр бүлдіршін отбасында тәрбиеленуі үшін күш салып жүрген мүддесі ортақ жандар бас қосады. «Miracles Gala» шарасына АҚШ Конгресінің, бизнестің, ҮЕҰ, БАҚ және халықаралық ұйым өкілдері тұрақты қатысып келеді. Мәселен, осы жолғы қатысушылар арасында сенатор Эми Клобучар мен америкалық атақты футболшы Майкл Оэр бар», - делінген хабарламада.

Іс-шараны халықаралық "Kidsave" ұйымы ұйымдастырды. Ол "Сәбимен шаңырақтың сәні кірер" ұлттық жобасын бірлесіп жүзеге асырып жүрген "Қазақстан 2050" қозғалысының халықаралық серіктесі.

Іс-шара барысында "Қазақстан 2050" Жалпыұлттық қозғалысының белсенділері Қазақстандағы ата-ана қамқорынсыз қалған өспірімдер мен жетім балалар мәселесінің бүгінгі жайымен бөлісті. Бала мен отбасын қорғау "Қазақстан 2050" Стратегиясының басым бағыттарының бірі және Елбасы Нұрсұлтан Назарбаевтың ерекше назарында екенін Қозғалыс өкілдері баса атап өтті. Осы саланың қазіргі басты міндеті – балаларды асырап алу, қамқоршылық пен қорғаншылықтың заманауи түрлерін дамыту үшін қолайлы құқықтық жағдай туғызу.

"Аймақтағы Қазақстанның ролі артып келе жатыр. Бүгінгі таңда көбі сіздердің еліңізді тек Орталық Азияда емес, тұтастай посткеңестік кеңістікте тұрақты, әрі тиімді даму үстіндегі арал ретінде қабылдайды. Бұл көзқарас оны бизнес үшін ғана емес, сондай-ақ гуманитарлық қарым-қатынасты кеңейту үшін де шетелдіктердің қызығушылығын оятып отыр. Сіздердің еліңізде жетімдік мәселесімен мемлекеттік органдармен қоса "Қазақстан 2050" Қозғалысы сияқты азаматтық ұйымдар да қызу айналысып жатқаны ел болашағына деген қамқорлықтың шынайы көрінісі",-деді «Kidsave» ұйымының бас атқарушы директоры Рэнди Томпсон.

«Президентіміздің жуырдағы жолдауы дер уағында жарияланғанын сенімді түрде айта аламын. Бір жағынан, қазіргідей қолайсыз экономикалық жағдаят кезінде азаматтарды жігерлендіріп, қиындықтар артта қалып қана қоймай, шыңдалып шығатынымызға сенімдерін артырса, ал екінші жағынан, "бізге сенім артуға болады, біздің елде қауіпсіз, бізде тұрақтылық" екенін айқындайтын сырт елге танытқан мықты үндеу болды", - деп, "Қазақстан 2050" Жалпыұлттық қозғалысының Кеңес Төрағасы Данат Жұмин мәлімдеді.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды