• Басты
  • «Оңтүстік» өңірлік қолбасшылығында 100-ге жуық адам жедел-әдістемелік жиынға қатысты

«Оңтүстік» өңірлік қолбасшылығында 100-ге жуық адам жедел-әдістемелік жиынға қатысты

20 Қараша, 2014 11:18
Гвардейский кентіндегі 28123 әскери бөлімінің базасында «Оңтүстік» өңірлік қолбасшылығы басшылық құрамының жедел-әдістемелік жиыны генерал-майор Талғат Қойбақовтың басшылығымен өтті, деп хабарлады қорғаныс министрлігі.

«Жиынға 100-ге жуық адам – өңірлік қолбасшылықтың басшылық құрамы, әскери бөлімдердің командирлері қатысты. Олар жауынгерлік даярлық сабақтарын ұйымдастыру әдістемесіне, сондай-ақ күнделікті және жауынгерлік қызметте бөлімдерді басқару ерекшеліктеріне арналған сабақтарға қатысты», - делінген хабарламада.

Бұдан басқа, офицерлер атыс даярлығынан және дене даярлығынан сынақтар тапсырды. Жиын 2013-2014 оқу жылының қысқы кезеңін қорытындылаумен аяқталды.

 

Барлық жаңалықтар