«Бизнестің жол картасы-2020» бағдарламасы аясында несие бойынша кепілдік алу автоматтандырылады
«Даму» қорының кепілдігі бизнесті дамытуға несие бойынша кепілдік қамтамасыз ету түрінде жұмыс істейді. Кепілдіктің көлемі бастауыш кәсіпкерлер үшін алған несиелерінің 50-70 пайыз аралығын құрайды», - делінген хабарламада.
«Даму» қорының хабарлауынша, процедураны автоматтандыру бірнеше кезеңнен тұрады. Бірінші кезек – электронды үкімет сайтының көмегімен кәсіпкер «Даму» қорының кепілдігімен банктен несие рәсімдеуге қажетті барлық қажетті құжаттарды ала алады. Ол үшін сайтқа кіріп, тіркелуі керек. Одан кейін бизнес процесінің өзін автоматтандырып, өтініш беру мен кепілдікті алу кезеңінен бастап кепілдік құжатына қол қойылғанға дейінгі шараларда жобаларды автоматты түрде қарау құрылады.
Толықтай автоматтандырылғанынан кейін кәсіпкер құжаттарды жинауда тағы да электронды үкіметтің көмегіне жүгінеді. Бұл өз кезегінде кәсіпкерлердің ХҚКО-дағы ұзын-сонар кезекке тұрудан құтқарып, түрлі мемлекеттік органдар табалдырығын тоздырудан сақтайды.
