Атырауда мамандарды дайындау бойынша ресурстық орталықтар құрылады -ҰКП

20 Қараша, 2014 09:48

Атырауда осы жылдың соңына дейін индустриялды колледж бен энергетика және құрылыс колледжі базасында жұмыс мамандарын дайындау бойынша ресурстық-технологиялық орталықтар құрылады, деп хабарлады ҰКП.

Ресурстық-технологиялық орталықтың негізгі мақсаты – жұмыс мамандарының әзірленуі, біліктіліктерінің артуы мен қайта дайындалуы.

«Бүгінде техникалық және кәсіптік білім беру колледждері мамандарды мемлекеттік тапсырыс немесе ақылы түрде ғана дайындайды. Алайда, мамандарды әзірлеу нарықтағы қажеттілікке пара-пар келмей жатады. Ресурстық-технологиялық орталықтың құрылу қажеттілігі кәсіпкерлік жақтан мамандардың тапшылығына тиімді және жоспарлы әсер ету. Мәселен, энергетика саласындағы компаниялардың сұранысын қанағаттандыру үшін орталықтар қысқа мерзім ішінде мамандарды тексеріп бере алады», - деді Атырау облысының кәсіпкерлер палатасы директорының орынбасары Нұржан Ғанимұрат.

Ұлттық палатада атап өткендей, ресурстық орталықтар негізінде студенттердің теориялық білімін жетілдіру, оларды үнемі тағылымдамадан өткізу жайы қарастырылған.

Жұмыс берушілер ресурстық-технологиялық орталықты құру идеясын бірауыздан қолдап отыр. Оған қоса, олардың материалдық-техникалық базасы жоғары деңгейде болу керек. Екі колледждің басшылығы аталмыш жобаны қолдап, облыс әкімдігінен қосымша қаржы сұрауды ұсынды. Дайындалған сметаға сәйкес ол 200 млн теңгені құрайды.

Барлық жаңалықтар