Алматыда ҚР Ғылыми және технологиялық ұйымдар қауымдастығы өкілдерінің конференциясы өтті

«Қауымдастықтың күн тәртібіндегі басты мақсаты әлемдік аренадағы Қазақстанның ғылыми және технологиялық жетістіктерін таныстыру мен Ұлт Көшбасшысы Н.Ә.Назарбаевтың алға қойған елдің индустриялды-инновациялық дамуындағы ауқымды міндеттемелерін шешуге арналған алдыңғы қатарлы ғылыми-оқыту мекемелері мен технологиялық ұйымдарын, ғылыми және мамандандырылған ғылым академияларын шоғырландыру болып табылады», - делінген баспасөз хабарламасында.

Хабарламада айтылғандай, Конференция қатысушылары сөзінде Қауымдастықтың өз жұмысын жаңа деңгейде бастағандары айтылды. Ондағы мақсат Қазақстанның ғылыми-технологиялық қауымдастығы мүдделерін ішкі және халықаралық деңгейде таныстыру.  

Халықаралық байланыстарды орнату жұмыстары басталып, тиісті саладағы әлемдік ұжымдармен әріптестік құрылып, Қазақстанның әлемдік кеңістікте ғылыми және технологиялық әлеуетін тиімді түрде интеграциялау шаралары қолға алынды.

Сонымен қатар, Қауымдастық кеңесінде елдің ірі ғылыми ұйымдары мен ұлттық деңгейдегі академиялары таныстырылды. Бұл өз кезегінде халықаралық аренаға шығуға мүмкіндік бермек.