• Басты
  • Қазақстанда 11 облыстық Достық үйі жұмыс істейді (Брифинг бейнебаяны)

Қазақстанда 11 облыстық Достық үйі жұмыс істейді (Брифинг бейнебаяны)

19 Қараша, 2014 17:18
Қазіргі таңда Қазақстанда 11 облыстық және Алматыда 1 республикалық Достық үйі жұмыс істейді, ал Астанадағы бұл қызметті Бейбітшілік және келісім сарайы атқарып отыр. Бұл туралы бүгін ОКҚ брифингінде ҚР Парламенті Мәжілісінің депутаты Надежда Нестерова мәлімдеді.

 «Қазіргі таңда Қазақстанда 11 облыстық және Алматыда 1 республикалық Достық үйі жұмыс істейді, ал Астанадағы бұл қызметті Бейбітшілік және келісім сарайы атқарып отыр. ҚР Президенті тапсырмасымен елдің 4 өңірінде типтік мамандандырылған Достық үйлерінің құрылысы аяқталуда», - дейді Н. Нестерева.

Оның айтуынша, ҚР Президентінің Ассамблеяның 20 сессиясында берген тапсырмасы және ҚР Үкіметі Қаулысымен Достық үйлерін дамытудың екі кезеңнің тұжырымдамасы бекітілді.

«Тұжырымдаманың мақсаты Достық үйлерінің жұмысын жүйелі ұйымдастыру болып табылады. Тұжырымдама екі кезеңмен іске асырылады. Бүгінде  2014-2016 жылдар аралығында тұжырымдаманың бірінші кезеңін атқарып жатырмыз. Нақтырақ айтар болсақ, барлық достық үйлері жұмыс істеп тұрған өңірлік достық үйлерінің базасында мемлекеттік мекеме құру арқылы біріңғай ұйымдастырушылық құқықтық мәртебе алып отыр. Екінші кезең олардың көлемі мен қызметтерін кеңейтуге есептелген. Осы мақсатта оларға жаңа тапсырмалар мен міндеттемелер жүктелмек. Екінші кезек 2020 жылы аяқталады», - дейді депутат.

Айта кету керек, Қазақстандағы тұңғыш достық үйі 1992 жылы Шығыс Қазақстан облысында ашылған еді. Мемлекет басшысының тапсырмасымен төрт өңірде (БҚО, Қарағанды облысы, Қызылорда облысы, Маңғыстау облысы) Достық үйлерінің мамандандырылған ғимараттары құрылысы жүріп жатыр.

Достық үйлері ұлтаралық қатынастар саласындағы азаматтық қоғам қызметін біріктіре отырып ұлтаралық бейбітшілік пен келісімді сақтауда айтарлықтай мәнге ие.

Индира Қауметова

 

Барлық жаңалықтар