• Главная
  • «Еврокоптер» тікұшағының экипажы оқу-жаттығу ұшулары барысында біліктілігін арттыруда – қорғаныс министрлігі (Фото)
19 ноября, 2014 15:32

«Еврокоптер» тікұшағының экипажы оқу-жаттығу ұшулары барысында біліктілігін арттыруда – қорғаныс министрлігі (Фото)

Астана маңындағы авиациялық бөлімде оқу-жаттығу ұшулары болып өтті, деп хабарлады қорғаныс министрлігі.
«Еврокоптер» тікұшағының  экипажы оқу-жаттығу ұшулары барысында   біліктілігін арттыруда – қорғаныс министрлігі (Фото)

«Жауынгерлік даярлық курсына сәйкес авиаторлар ең төменгі биіктіктегі күрделі ұшуларды жүзеге асырып, тікұшақты әуеден өздері таңдаған нүктеге дәл қондырды», - делінген хабарламада.

Бұл ретте, майор Марат Байғалиев пен капитан Дархан Көпбаев басқаратын «ЕС-145 Еврокоптер» экипажы үздік нәтижелер көрсетті. Оқу-жаттығу ұшулары кезінде экипаждар ұшу сағаттарын арттыру бойынша өз машықтарын жетілдіріп, әрі қарай экипаж командирі дәрежесіне көтерілу үшін алғашқы қадамдар жасады.

Ұшу экипажы мен инженерлік-техникалық құрам шетелде теориялық және практикалық даярлықтан толығымен өткендігін атап өту қажет. Бүгінгі таңда осы типтегі тікұшақтарда жүзеге асырылатын барлық ұшуларды, сондай-ақ оларға техникалық қызмет көрсетуді авиациялық бөлімнің жеке құрамы жүргізеді.

Айта кетейік, «ЕС-145 Еврокоптер» тікұшағы «Еврокоптер Казахстан инжиниринг» кәсіпорнында жиналады. Ол ТМД мен Орталық Азия аумағында осы тектес жалғыз зауыт болып табылады. Бұл кәсіпорынды ашу – қазақстандық тікұшақ саласын дамытудың жаңа сатысы.